भद्रपुर, पुस १८ । झापा भद्रपुरका एक दम्पती स्कुटर दुर्घटनामा भक्तपुरमा सख्त घाइते भएका छन् । भद्रपुर–८ का निश्चल राजभण्डारी र उनकी पत्नी पूजा राजभण्डारी भक्तपुरको सानोठिमीमा दुर्घटनामा सख्त घाइते भएका हुन् ।
घाइते दम्पतीको भक्तपुरस्थित इन्टरनेसनल हस्पिटल कौशलटारमा उपचार भइरहेको नेपाल परिवार नियोजन संघ झापाका सभापति लोकनाथ भट्टराईले जानकारी दिए । कुकुरलाई जोगाउन खोज्दा स्कुटर अनियन्त्रित हुँदा दुर्घटना भएको थियो ।
सोमबार भएको दुर्घटनामा घाइते दुवैजनाको स्वास्थ्यमा सुधार आइरहेको अस्पतालको जनाएको उनले जानकारी दिए । दुवैजना अध्ययनका लागि अस्ट्रेलियामा बसेर केही दिनअघि मात्रै भद्रपुरमा आएका थिए ।
अस्ट्रेलिया नै फर्कने क्रममा काठमाडौँ पुगेका उनीहरु दुर्घटनामा परेका थिए । पारिवारिक स्रोतका अनुसार उनीहरु यसै हप्ता अस्ट्रेलिया फर्कंदै थिए ।
घाइते दम्पती नेपाल परिवार नियोजन संघको केन्द्रीय सदस्य तथा भद्रपुर नगरपालिकाका निवर्तमान उपप्रमुख चन्द्रमाया श्रेष्ठ तथा औषधि व्यवसायी दुर्गा राजभण्डारीका छोराबुहारी हुन् ।
Comments are closed