बिर्तामोड, पुस १९ । झापाको बुद्धशान्तिमा जारी दोस्रो बुद्धशान्ति वडास्तरीय फुटबल प्रतियोगिताको उपाधिको लागि बुद्धशान्ति वडा नम्बर १ र ३ भिडने भएका छन् ।
हिजो भएको अन्तिम सेमिफाइनलमा वडा नम्बर २ लाई १० गोल अन्तरले हराउँदै वडा नम्बर ३ ले फाइनलको यात्रा तय गरेको हो ।
फाइनल प्रवेश गरेसँगै वडा नम्बर ३ ले डिफेन्डिङ च्याम्पियन वडा नम्बर १ सँग उपाधिका लागि भिडन्त तय गरेको छ ।
आयोजक समितिका अध्यक्ष बालकुमार राईका अनुसार फाइनल खेल पुस २० गते हुनेछ । प्रतियोगिताको विजेताले नगद ३० हजार रुपैयाँ, ट्रफी, मेडल र प्रमाणपत्र प्राप्त र उपविजेताले २० हजार रुपैयाँ पाउनेछ ।
खेलकुद विकास समिति बुद्धशान्ति १ को आयोजना, बुद्धशान्ति खेलकुद विकास समितिको संयोजनमा भइरहेको खेलको बुद्धशान्ति गाउँपालिकाको मुख्य प्रायोजक रहेको आयोजक समितिका सचिव गजुहाङ योङहाङले जानकारी दिए ।
Comments are closed