बिर्तामोड, पुस २० । झापा बुद्धशान्तिका एक वृद्ध इलाम चुलाचुली–५ चपेटीस्थित रतुवा खोलाको बगरमा अचेत अवस्थामा भेटिएका छन् ।
आज दिउँसो १ बजे रतुवा खोलाको बगरमा बुद्धशान्ति–७ बर्ने बस्ने अन्दाजी ६१ वर्षीय डिल्लीबहादुर सुब्बा अचेत अवस्थामा भेटिएका हुन् ।
एकजना पुरुष घोप्टो परेको अवस्थामा रहेको भनी स्थानीयले जानकारी गराउनसाथ प्रहरी चौकी पेल्टीमारीबाट प्रहरी टोली खटिएर सुब्बालाई उद्धार गरी उपचारको लागि आम्दा अस्पताल दमक पठाएको थियो ।
बोल्न नसक्ने अचेत रहेका सुब्बाको बारेमा आफन्तलाई जानकारी गराइसकेको इलाम प्रहरीले जनाएको छ ।
Comments are closed