बिर्तामोड, पुस २२ । लायन्स क्लब अफ बिर्तामोडले हल्दिबारी-२ का दुईवटा सामुदायिक विद्यालयका विद्यार्थीहरुलाई न्यानो कपडा र शैक्षिक सामग्री वितरण गरेको छ ।
हल्दिबारी-२ को राष्ट्रिय एकता प्राथमिक विद्यालयका ११० जना बालबालिकालाई जाडोका लागि न्यानो कपडा वितरण गरिएको हो ।
लायन्स क्लब अफ विर्तामोडका अध्यक्ष प्रदिप खरेलको अध्यक्षता तथा हल्दिबारी-२ का वडा अध्यक्ष शुकलाल राजवंशीको प्रमुख आतिथ्यमा भएको कार्यक्रममा लायन्स लिडर पूर्वअध्यक्ष सत्यनारायण शर्मा, सुरज रौनियार, विद्यालयका प्रधानाध्यापक द्वारिका सुवेदीले मन्तव्य राखेका थिए । क्लब सचिव घनेन्द्र खनालले कार्यक्रम सञ्चालन गरेका थिए ।
त्यस्तै, हल्दिबारी-२ मै रहेको नव सिर्जना प्राथमिक विद्यालयका ७० जना विद्यार्थीहरुलाई शैक्षिक सामग्री वितरण गरिएको छ ।
क्लब अध्यक्ष प्रदिप खरेलको अध्यक्षता तथा विद्यालयका प्रधानाध्यापक भीम दाहालको प्रमुख आतिथ्यमा भएको कार्यक्रममा पूर्वप्रधानाध्यापक भीमप्रसाद उप्रेती, पूर्वअध्यक्ष सत्यनारायण शर्मा, सुरज रौनियार, संगीता रौनियारको आतिथ्य रहेको थियो ।
Comments are closed