दमक, पुस २६ । झापाको कमल गाउँपालिका-५ पाडाजुँगीमा रहेको मंगलमय माविको ५३ औँ वार्षिकोत्सव तथा अभिभावक दिवसका अवसरमा भएको रक्तदानमा ३७ पिन्ट रगत संकलन भएको छ ।
विद्यालयमा गठित युवा रेडक्रस सर्कलको आयोजनामा भएको रक्तदान कार्यक्रममा ३७ पिन्ट रगत संकलन भएको विद्यालयका शिक्षक देवराज बस्नेतले जानकारी दिए ।
नेपाल रेडक्रस सोसाइटी दमक उपशाखाको प्राविधिक सहयोग र कमल उपशाखाको समन्वयमा भएको रक्तदान कार्यक्रमको संयोजन रेडक्रसका शिक्षक नायक सरोज श्रेष्ठले गरेका थिए ।
कार्यक्रममा विद्यालय व्यवस्थापन समितिका अध्यक्ष टिकाराज सापकोटा र प्रधानाध्यापक मोहनकुमार बगालेले शुभकामना व्यक्त गरेका थिए ।
यसैबीच, विद्यालयमा पुस २३, २४ र २५ गते सञ्चालित खेलकुद सप्ताहका विजेता विद्यार्थीहरु, गत वर्ष उत्कृष्ट नतिजा ल्याउने विद्यार्थीहरुलाई पुरस्कृत गरिएको शिक्षक बस्नेतले जानकारी दिए ।
Comments are closed