बिर्तामोड, पुस २८ । झापा मेचीनगर-१० को धुलाबारी माध्यमिक विद्यालयलाई ३१ थान कम्प्युटर हस्तान्तरण गरिएको छ । द गोर्खा मेमोरियल फन्ड बेलायतले प्रविधिमैत्री कम्प्युटर कक्षा हस्तान्तरण गरेको हो ।
द गोर्खा मेमोरियल फाउन्डेसन नेपालको संयोजनमा द गोर्खा मेमोरियल फाउन्डेसन बेलायतले ३२ लाख २० हजार रूपैयाँ मूल्य बराबरका ३१ वटा कम्प्युटर, टेबल र कार्पेटसहितको कम्प्युटर कक्षा हस्तान्तरण गरेको हो ।
धुलाबारी माविमा तीन हजार ५७३ विद्यार्थी अध्ययनरत छन् । ९०० जना विद्यार्थी कम्प्युटर विषयका छन् ।
पूर्वविद्यार्थी, द गोर्खा मेमोरियल फाउन्डेसन बेलायतका अध्यक्ष, फोक्सटन सिटीका पहिलो नेपाली पूर्वकाउन्सिलर धनकिरण गुरूङको पहलमा ती सामग्री प्राप्त गरेको प्रधानाध्यापक महेन्द्रविलास लुइँटेलले जानकार दिए ।
Comments are closed