बिर्तामोड, माघ ३ । हिरो नेपाल र सिजी मोटर्सले हिरोको दुई नयाँ मोटरसाइकल बिर्तामोडमा सार्वजनिक गरेको छ ।
हिरो मोटरसाइकलको बिक्रेता पिटुआर अटो जोन बिर्तामोडमा बिहीबार एक कार्यक्रमबीच हिरोका दुई नयाँ मोडलका बाइक सार्वजनिक गरिएको हो ।
कम्पनीले हिरो एक्सट्रिम १२५ आर र १६० आर फोरभी सार्वजनिक गरेको छ । नयाँ बाइक बिर्तामोड उद्योग वाणिज्य संघका अध्यक्ष राजु न्यौपानेले सार्वजनिक गरेका थिए ।
नयाँ बाइकको १६० आर फोरभी प्रोको मूल्य ३ लाख ८४ हजार ९००, १२५ आर सिबिएस भेरिएन्टको २ लाख ८९ हजार ९०० र एबिएस भेरिएन्टको मूल्य ३ लाख ११ हजार ९०० रुपैयाँ रहेको पिटुआर अटो जोनका सञ्चालक प्रकाश भट्टराईले जानकारी दिए ।
कार्यक्रममा राइडरहरुले रोड शो गर्नुका साथै गायक निशान भट्टराईको सांगीतिक प्रस्तुति समेत रहेको थियो ।
Comments are closed