बिर्तामोड, माघ १६ । झापाको बिर्तामोडमा रहेको टावर टेम्पल स्कुलले वार्षिकोत्सवको अवसरमा विद्यार्थीलाई सम्मान तथा पुरस्कृत गरेको छ ।
आज विद्यालयमा आयोजित २८ औँ वार्षिकोत्सव कार्यक्रमका बीच विद्यार्थीलाई सम्मान तथा पुरस्कृत गरिएको हो ।
नर्सरीदेखि युकेजीसम्मका वर्ष उत्कृष्ट खेलाडीतर्फ नर्सरीका सुजन थेवे र कक्षा १ देखि ५ सम्मका वर्ष उत्कृष्ट खेलाडीतर्फ कक्षा ३ की विनिसा पाँचकोटीलाई सम्मान तथा पुरस्कृत गरिएको हो ।
त्यस्तै, प्राथमिक तहको आट्र्स एन्ड क्राफ्टतर्फ उत्कृष्ट विद्यार्थी कक्षा ३ का प्रयास रेग्मीलाई पनि सम्मान तथा पुरस्कृत गरिएको विद्यालयका प्रन्सिपल तेजप्रसाद भट्टराईले जानकारी दिए ।
विद्यालयका निर्देशक राजीव धिमालको अध्यक्षतामा भएको वार्षिकोत्सव तथा सांस्कृतिक कार्यक्रममा धिमालले स्वागत गर्दै अभिभावकप्रति आभार व्यक्त गरेका थिए ।
कार्यक्रममा कक्षा नर्सरीका विद्यार्थीले स्वागत गायत प्रस्तुत गरेका थिए । त्यस्तै, कक्षा एलकेजी, युकेजी, कक्षा १, २, ३, ४ र ५ का विद्यार्थीले गायन, नृत्य, कविता, मन्तव्य प्रस्तुत गरेका थिए ।
मेचीनगरको ल्होत्से स्कुलका निर्देशक धनराज मगर, नेपाल औषधि व्यवसायी संघ झापाका अध्यक्ष जीवनकुमार खड्का, सशस्त्र प्रहरी निरीक्षक दिपेन्द्र बान्तवा राई, झापाका ट्राफिक प्रही प्रमुख गणेश पौडेल लगायतको आतिथ्यता रहेको कार्यक्रममा प्रमुख अतिथि नेपाल जेसिजका पूर्वउपाध्यक्ष स्वास्तिका आचार्यले शुभकामना व्यक्त गरेकी थिइन् ।
कार्यक्रमकै बीच विद्यालयका सञ्चालन हुने बास्केटबल प्रतियोगिताका लागि झापा जिल्ला बास्केटबल संघका अध्यक्ष प्रकाश लिङदेनलाई बल प्रदान गरिएको थियो ।
कार्यक्रमको सञ्चालन शिक्षक यमनाथ घिमिरे तथा विद्यार्थीहरु मनसुन भण्डारी र सुविना जवेगूले गरेका थिए ।
Comments are closed