बिर्तामोड, फागुन २० । विगत दुई दशकदेखि शैक्षिक परामर्श सेवा प्रदान गर्दै आएको ओली एन्ड एसोसिएट्स एजुकेसन कन्सल्टेन्सीले झापाको बिर्तामोडमा अभिभावकहरुसँग छलफल तथा अन्तरक्रिया कार्यक्रम गरेको छ ।
ओली एन्ड एसोसिएट्सले बिर्तामोडमा अध्ययनका लागि विदेश गएका विद्यार्थीका अभिभावकसँग प्रत्यक्ष भेटघाट गर्दै अन्तरक्रिया गरेको हो ।
कार्यक्रमका बीच १५० जना अभिभावकलाई सम्मान गरिएको संस्थाका काउन्सिलर केवल सापकोटाले जानकारी दिए । त्यस्तै, पुराना कर्मचारीलाई समेत सम्मान गरिएको थियो ।
ओली एन्ड एसोसिएट्स एजुकेसन कन्सल्टेन्सी बिर्तामोड शाखाका प्रमुख अशोक अधिकारीको अध्यक्षतामा भएको कार्यक्रममा कन्सल्टेन्सीका संस्थापक भवानीप्रसाद ओलीको प्रमुख आतिथ्य रहेको थियो ।
स्वागत बिर्तामोड शाखा प्रमुख अधिकारीले गरेको कार्यक्रममा प्रमुख अतिथि भवानी ओलीले अस्ट्रेलिया, युके, क्यनाडा लगायतका देशहरुमा जाने विद्यार्थीका अभिभावकहरुलाई त्यहाँको अवस्था र रहनसहनका विषयमा जानकारी गराउँदै त्यहाँ रहेका विद्यार्थीहरुको अवस्थाबारे जानकारी गराएका थिए ।
आफू नेपाल आएको समयमा प्रत्यक्ष रुपमा अभिभावक र कर्मचारीसँग भेटघाट र छलफल गर्ने उद्देश्यका साथ कार्यक्रमको आयोजना गरेको संस्थापक ओलीले बताए ।
सोही कार्यक्रमका बीच अभिभावक शान्तिराम पौडेल, गोपाल खड्कालगायतले आआफ्ना धारणा व्यक्त गरेका थिए ।
कार्यक्रममा ओली एन्ड एसोसिएट्स एजुकेसन कन्सल्टेन्सीका मार्केटिङ अफिसर ओजेश ओलीसहित बिर्तामोड शाखाका कर्मचारीहरुको उपस्थिति रहेको थियो ।
कार्यक्रमको सञ्चालन बिर्तामोड शाखाकी फ्रन्ट डेक्स अफिसर विभूति चुडालले गरेकी थिइन् । कार्यक्रममा अभिभावकको बाक्लो उपस्थिति रहेको थियो ।
