बिर्तामोड, चैत ६ । नेपाल औषधि व्यवसायी संघ (एनसिडिए) झापाले आफ्ना सदस्यहरुलाई सदस्यता प्रमाणपत्र वितरण कार्यलाई पुनः निरन्तरता दिएको छ ।
संघले बिर्तामोड र अर्जुनधाराका औषधि व्यवसायीहरुलाई पसलमै पुगेर सदस्यता प्रमाणपत्र वितरण गरेको हो । अध्यक्ष जीवनकुमार खड्काले पद हस्तान्तरण कार्यक्रममा प्रतिबद्धता जनाएअनुसार प्रत्येक व्यवसायीको पसलमै पुगेर सदस्यता प्रमाणपत्र वितरण गरिएको हो ।
संघका खुद्रा उपाध्यक्ष राकेश शाहका अनुसार बिर्तामोड र अर्जुनधाराका दुई दर्जन व्यवसायीलाई सदस्यता प्रमाणपत्र प्रदान गरिएको हो । अब केशी दिनमै कनकाई र झापा गाउँपालिकाका व्यवसायीलाई प्रमाणपत्र प्रदान गरिने शाहले बताए ।
संघले प्रमाणपत्र वितरणसँगै नवीकरण गर्नुका साथै व्यवसायीलाई नयाँ सदस्यता समेत प्रदान गरेको संघका अध्यक्ष खड्काले जानकारी दिए ।
