२०८१ चैत्र २१ बिहीबार
Jhapa Today
Adv top
Adv below_nav

नेपाल अडिटर्स एसोसिएसन झापा अध्यक्षमा बुढाथोकी


बिर्तामोड, चैत ९ । नेपाल अडिटर्स एसोसिएसन झापाको अध्यक्षमा पर्शुराम बुढाथोकी सर्वसम्मत निर्वाचित भएका छन् । नेपाल अडिटर्स एसोसिएसन झापाको सातौँ जिल्ला अधिवेशनबाट वुढाथोकीको अध्यक्षतामा १५ सदस्यीय समिति चयन भएको हो ।

नेपाल अडिटर्स एसोसिएसन (अडान) का केन्द्रीय अध्यक्ष केदारनाथ पौडेलको प्रमुख आतित्यमा सम्पन्न अधिवेशनले उपाध्यक्षमा चिरञ्जीवी नेपाल, सचिव खिबलाल अधिकारी, सहसचिव बाबुराम पोखरेल, कोषाध्यक्षमा डम्बरबहादुर सुब्बालाई चयन गरेको छ ।

कार्यक्रममा अडानका तृतीय उपाध्याक्ष झलकमणि लम्साल, पोषराज नेपाल, प्रदिपकुमार यादव, उपमहासचिव हरिबहादुर कार्की, कोषाध्यक्ष बलराम चौधरी, प्रदेश उपाध्यक्ष खडानन्द गुरागाईंलगायतले अधिवेशन सफलताको शुभकामना मन्तव्य राखेका थिए ।

कार्यक्रममा आइक्यान पार्षद झलकमणि लम्साल, प्रदिपकुमार यादव, हरिबहादुर कार्की र भरतलाल श्रेष्ठलाई दोसल्ला ओडाई कदर तथा सम्मान गरिएको थियो ।

त्यस्तै, संस्थाका केन्द्रीय सल्लाहकार मोहन शिवाकोटी, झापा जिल्लाका पूर्वअध्यक्ष चूडामणि चिमरिया तथा हरिकिशोर आचार्यलाई पनि सम्मान गरिएको थियो । त्यस्तै, जेष्ठ सदस्य गोविन्दप्रसाद मिश्रलाई सम्मान गरिएको थियो ।

होमनाथ उप्रेतीको अध्यक्षतामा सम्मन्न भएको कार्यक्रममा स्वागत खिबलाल अधिकारीले गरेक थिए । कार्यक्रम संस्थाका सचिव पर्शुराम बुढाथोकीले सञ्चालन गरेका थिए ।

Adv footer