मेचीनगर, चैत ९ । झापाको मेचीनगर–१४ मा रहेको वैभव भेनियर उद्योगमा आगलागी भएको छ । आगलागीबाट भेनियरबाट उत्पादित लाखौँको सामग्री जलेर नष्ट भएको छ ।
शनिबार बिहान ११ः२५ बजे भेनियरमा कार्यरत कामदार बस्ने क्वार्टरबाट विद्युत सर्ट भइ आगो सल्किएको प्रहरीले जनाएको छ ।
आगलागीबाट उद्योगबाट उत्पादन गरेर गोदाममा राखिएको भेनियर सामग्रीसहित गोदाम र क्वार्टर पूर्ण रुपमा जलेर नष्ट भएको छ भने मुख्य उद्योग भने जोगिएको उद्योग सञ्चालक प्रदिप मित्तलले जानकारी दिए ।
उनका अनुसार सो उद्योगबाट उत्पादित भेनियर सामग्री निर्यात हुन नसक्दा गोदाममा थन्क्याएको थियो ।
आगलागीबाट भएको क्षतिको विवरण आउन बाँकी रहेको इलाका प्रहरी कार्यालय धुलाबारीले जनाएको छ ।
आगो नियन्त्रणका लागि मेचीनगरका दुईवटा, बिर्तामोड, भद्रपुर र शिवसताक्षी नागरपालिकाको एउटा गरी पाँचवटा दमकलले आगो निभाउने प्रयास गरिरहेका छन् ।
