बिर्तामोड, चैत ११ । झापाको मेचीनगर ६ काँकारभिट्टास्थित बसपार्क क्षेत्रबाट सशस्त्र प्रहरी बलले नेपाली नम्बर प्लेट जडित भारतीय स्कार्पिओ नियन्त्रणमा लिएको छ ।
इलाकामा सशस्त्र प्रहरी बल, नेपाल नम्बर २ गण हेड क्वार्टर झापा मातहत (प्रस्तावित) सीमा सुरक्षा गुल्म काँकरभिट्टाले बा. ८ च १३३८ नम्बरको भारतीय कार आज नियन्त्रणमा लिएको हो ।
सशस्त्र प्रहरी नायव उपरीक्षक शमशेरबहादुर कार्कीको कमाण्डमा खटिएको मोबाइल टोलीले चालक मोरङ पथरीशनिश्चरे ८ का ४१ वर्षीय ईश्वरी भण्डारी र कारमा रहेका भारत नक्सालबारी पञ्चायत बस्ने ३५ वर्षीय निताई घोषलाई पक्राउ गरेका छ ।
बा. ८ च १३३८ नम्बरको नेपाली स्कोर्पिओ गाडी भारतको पानीट्यांकी लगेर उक्त गाडीको च्यासिस नम्बर काटेर डब्ल्युबी ७४ एन ३१७२ नम्बरको भारतीय स्कोर्पिओ गाडीमा फिट गरेर नेपाल ल्याउँदै गर्दा उनीहरु कारसहित पक्राउ परेका हुन् ।
