बिर्तामोड, चैत १३ । आफ्ना सदस्यतालाई पसलमै पुगेर प्रमाणपत्र वितरणलाई तीव्र बनाएको नेपाल औषधि व्यवसायी संघ (एनसिडिए) झापाले नयाँ सदस्य पनि धमाधम बनाइरहेको छ ।
संघका अध्यक्ष जीवनकुमार खड्काको नेतृत्वमा गत सातादेखि (एनसिडिए) झापाले आफ्ना सदस्यहरुलाई सदस्यता प्रमाणपत्र वितरण कार्यलाई निरन्तरता दिइरहेको हो ।
प्रमाणपत्र वितरण, नवीकरणसँगै नयाँ सदस्य पनि धमाधम बनाइएको संघका खुद्रा उपाध्यक्ष राकेश शाहले जानकारी दिए । अब केही दिनमै कनकाई र झापा गाउँपालिकाका व्यवसायीलाई प्रमाणपत्र प्रदान गरिने शाहले बताए ।
संघले बिर्तामोड र भद्रपुरका औषधि व्यवसायीहरुलाई पसलमै पुगेर सदस्यता प्रमाणपत्र वितरण गरेको छ । बिर्तामोड र भद्रपुरका दुई दर्जन व्यवसायीलाई सदस्यता प्रमाणपत्र प्रदान गरिएको संघका सदस्य याम विष्टले जानकारी दिए ।
