बिर्तामोड, चैत १९ । झापा गौरादह नगरपालिका वडा नम्बर ७ जामबारी बस्ने ४४ वर्षीय कृष्णप्रसाद राजवंशीलाई टाउकोमा ढुंगाले हानेर घाइते बनाउने विक्रम शिवा पक्राउ परेका छन् ।
शिवसतासी नगरपालिका–१० घर भई जामबारीमा डेरामा बस्ने ३६ वर्षीय शिवाले हिजो राति ११ः४५ बजे सामान्य विवाद हुँदा ढुंगाले राजवंशीको टाउकोमा प्रहार गरेका थिए ।
ढुंगा प्रहार गर्ने शिवालाई पक्राउ गरी इलाका प्रहरी कार्यालय गौरीगञ्जमा राखिएको छ । घाइतेलाई उपचारको लागि दमक अस्पताल दमक पठाइएकोमा थप उपचारको लागि आज बिहान बिएन्डसी अस्पताल बिर्तामोड ल्याइएको प्रहरीले जनाएको छ ।
