बिर्तामोड, चैत २० । झापाको झापा गाउँपालिकामा ट्रयाक्टरबाट झरेर एकजना ज्येष्ठ नागरिकको मृत्यु भएको प्रहरीले जनाएको छ ।
मृत्यु हुनेमा झापा ३ का ६० वर्षीय रमेश हस्दा रहेका छन् । आज दिउँसो ४ः३० बजे झापा ३ गैरीगाउँस्थित भित्री पक्की सडकखण्डमा गैरीगाउँबाट कामाटोलीतर्फ जाँदै गरेको मे. १ त ४१०७ नम्बरको ट्रयाक्टरबाट लडेर हस्दा घाइते भएका थिए ।
उनी लिप्ट मागेर ट्रयाक्टरमा चढेको जिल्ला प्रहरी कार्यालय झापाले जनाएको छ । अचानक बेहोस भई उनी ट्रयाक्टरबाट झरेर घाइते भएका थिए ।
उनलाई सुरुमा उपचारको लागि स्वास्थ्य चौकी शरणामती लगिएको थियो । त्यहाँ सामान्य उपचारपश्चात थप उपचारको लागि प्रादेशिक अस्पताल भद्रपुर पठाइएकोमा उपचारको क्रममा साँझ ६ः३० बजे मृत्यु भएको हो ।
शव प्रादेशिक अस्पतालको शवगृहमा पोस्टमार्टमको लागि राखिएको छ । ट्रयाक्टर धनी आफैँ भएका चालक सोही ठाउँ बस्ने ४८ वर्षीय देवकुमार गणेश र ट्रयाक्टरलाई प्रहरीले नियन्त्रणमा लिएको जिल्ला प्रहरी कार्यालय झापाले जनाएको छ ।
