बिर्तामोड, चैत २१ । सरस्वती युथ क्लबलाई पराजित गर्दै झापा फुटबल क्लबले सहिद स्मारक ‘बि’ डिभिजन लिगमा पहिलो जित निकालेको छ ।
सातदोबाटोस्थित एन्फा कम्प्लेक्समा आज सम्पन्न खेलमा झापा २–० ले विजयी भएको हो । जितसँगै झापाले चार खेलबाट चार अंक पु¥याएको छ । झापा आठौँ स्थानमा उक्लिएको छ ।
सरस्वतीको भने यो दोस्रो हार हो । यसअघि टुसाल युथ क्लबसँग सरस्वती १–० ले पराजित भएको थियो । झापाको जितमा प्रदिप बुढाथोकी र राजेश दाहालले गोल गरे ।
प्रदिपले ११ औँ मिनेटमा गोल गर्दै झापालाई सुरुआती अग्रता दिलाए । निर्धारित खेल सकिन दुई मिनेट बाँकी रहँदा राजेशले अर्को गोल गर्दै झापाको जित पक्का गरे । लगतार दोस्रो पराजय व्यहोरेको सरस्वती सामान खेलबाट ६ अंकका साथ छैटौँ स्थानमा छ ।
