बिर्तामोड, चैत २२ । झापाको हल्दिबारीमा फरक क्षमता भएकी युवतीलाई जबरजस्ती करणी गर्ने स्थानीय एक युवालाई प्रहीले पक्राउ गरेका छ ।
पक्राउ पर्नेमा भारत आसाम घर भई हाल हल्दिबारी १ कोचाटोली बस्ने सन्तोष कार्की रहेका छन् । काकाको घरमा बस्दै आएका २७ वर्षीय कार्कीले हिजो दिउँसो ती युवतीलाई बाँसघारीमा जबरजस्ती करणी गरेका थिए ।
प्रहरी चौकी गोलधापबाट प्रहरी टोली खटिएर बुझ्दा कार्कीले पीडितलाई चैत ६ गतेदेखि पटक टक जबरजस्ती करणी गर्ने गरेको बुझिएको छ ।
कार्कीलाई नियन्त्रणमा लिई जिल्ला प्रहरी कार्यालय झापामा राखेर थप अनुसन्धान भइरहेको प्रहरीले जनाएको छ ।
