बिर्तामोड, बैशाख ४ । आज बिहान परेको पानीले भत्किएको पूर्वपश्चिम-राजमार्गअन्तर्गत निर्माणाधीन एसियन हाइवेको डाइभर्सन निर्माण गरिएको छ ।
झापाको माईधार-झिलझिले खण्डमा डाइभर्सन बगाएर सडक अवरुद्ध भएपछि बिहानै धमाधम निर्माण गरिएको स्थानीय जगन कार्कीले जानकारी दिए ।
अहिले सडक सञ्चालनमा आइसकेको र भत्किएको डाइभर्सन पुनर्निर्माण गरिएको हो । शिवसताक्षी वडा नम्बर ९ र १० मा पर्ने भालुखोलाको डाइभर्सन पानीले बगाएपछि मुख्य राजमार्गमा यातायात अवरुद्ध भएको थियो ।
