बिर्तामोड, बैशाख २३ । झापा बिर्तामोडका एकजना युवाको कुवेतमा मृत्यु भएको छ । वैदेशिक रोजगारीमा रहेका बिर्तामोड–१ हनुमाननगरका ३३ वर्षीय विकास कार्कीको मृत्यु भएको हो ।
कार्कीको मृत्यु भएको खबर प्राप्त भएको पारिवारिक स्रोतले जानकारी दिएको छ । उनको मृत्युको कारण भने खुल्न नसकेको उनका बुबा ध्रुवराज कार्कीले बताए ।
डेढ वर्षअघि वैदेशिक रोजगारीका लागि उनी काठमाडौँको ओमेगा इन्टरनेसनल म्यानपावर कम्पनीमार्फत कुवेत पुगेका थिए ।
उनी इटिसी कुवेत कम्पनीमा कार्यरत रहेका बताइएको छ । उनीसँगै अर्का एक नेपालीको पनि मृत्यु भएको जनाइएको छ ।
