बिर्तामोड, जेठ २० । झापाको कमल गाउँपालिका–३ रतुवामाई जङ्गलमा करेन्ट लागेर जङ्गली हात्तीको मृत्यु भएको छ ।
हिजो राति हात्तीले विद्युत् पोलमा धक्का दिँदा पोलमा जोडिएको विद्युत् तार खसेर हात्तीको घटनास्थलमै मृत्यु भएको डिभिजन वन कार्यालयका वन अधिकृत जीवन पाठकले जानकारी दिए ।
उनका अनुसार करेन्टबाट हात्तीको सुँड र एउटा दाँत जलेका अवस्था छ । मरेको हात्तीको व्यवस्थापनका लागि सब डिभिजन वन कार्यालय चुलाचुलीबाट प्राविधिक टोली खटिइसकेका छन् ।
