बिर्तामोड, माघ १५ । नेपाली बजारमा बिहीबार सुनचाँदीको मूल्यले ऐतिहासिक रेकर्ड बनाएको छ । नेपाल सुनचाँदी व्यवसायी महासंघका अनुसार बिहीबार छापावाल सुन तोलामा २० हजार ५ सय रुपैयाँले बढेर ३ लाख ३९ हजार ३ सय रुपैयाँ कायम भएको छ ।
अघिल्लो कारोबार दिन बुधबार छापावाल सुन तोलामा ३ लाख १८ हजार ८ सय रुपैयाँ कायम भएको थियो । यस्तै बिहीबार चाँदीको मूल्य पनि बढेको छ ।
बुधबार तोलामा ७ हजार ३ सय रुपैयाँ कायम भएको चाँदीको मूल्य बिहीबार बढेर ७ हजार ५०५ रुपैयाँ कायम भएको महासंघको भनाइ छ ।
महासंघका अनुसार बिहीबार प्रति १० ग्राम सुनको मूल्य २ लाख ९० हजार ८९५ रुपैयाँ र प्रति १० ग्राम चाँदीको मूल्य ६ हजार ४३४ रुपैयाँमा कारोबार भइरहेको छ ।
