बिर्तामोड, साउन २५ । झापाको बिर्तामोड–३ स्थित मेची आँखा अस्पतालअगाडि पार्किङ गरिराखेको मोटरसाइकल चोर्दाचोर्दै एक व्यक्ति पक्राउ परेका छन् ।
हिजो मेची आँखा अस्पतालअगाडि पार्किङ गरिराखेको प्रदेश १–०१–०१४प २२० नम्बरको मोटरसाइकल चोर्दै गर्दा इलाम पशुपतिनगर बस्ने २५ वर्षीय दिलबहादुर राईलाई प्रहरीले पक्राउ गरेको हो ।
बिर्ताबजार प्रहरी चौकीका इन्चार्ज पदम विष्टको टोलीले रङ्गेहात पक्राउ गरी कारबाहीका लागि इलाका प्रहरी कार्यालय अनारमनीमा बुझाएको छ ।
