बिर्तामोड, मंसिर ४ । कात्तिक महिनामा देशभरिमा सबैभन्दा बढी झापामा घरजग्गाको कारोबार भएको छ ।
देशभरिमा ९७ हजार १९६ घर जग्गाको कारोबार हुँदा भूमिसुधार तथा मालपोत कार्यालय झापामा चार हजार २६६ घर जग्गाको कारोबार भएको छ ।
मालपोत कार्यालय सुनसरीमा तीन हजार ११५, बेलबारीमा दुई हजार ८२१, धनुषामा दुई हजार १५८ वटा कारोबार भएका छन् ।
भूमि व्यवस्था तथा अभिलेख विभागका अनुसार २०८० कात्तिकमा ७७ हजार १८५ घर र २०७९ कात्तिकमा ९७ हजार १९६ वटा कारोबार भएको थियो ।
विभागका अनुसार यो वर्षको कात्तिकमा दुई अर्ब ७० करोड ४० लाख ४६ हजार ६४५ रुपैयाँ राजस्व संकलन गरेको छ । घर जग्गाको कारोबारमा अपेक्षित रूपमा सुधार आउन नसकेको कारोबार तथा राजस्व संकलनको प्रवृत्तिले देखाएको छ ।
गत असोजको तुलनामा कात्तिकमा राजस्व सङ्कलनमा पनि गिरावट आएको हो । असोजमा तीन अर्ब आठ करोड १२ लाख ४१ हजार ४८१ रुपैयाँ राजस्व संकलन भएको थियो ।
विभागका अनुसार कात्तिकमा ३३ हजार ५१४ वटा लिखत पास भएका छन् । त्यस्तै, नामसारीतर्फ तीन हजार ३६२, हालसाविक दुई हजार ११४, रोक्कातर्फ २५ हजार ३० छन् ।
