बिर्तामोड, मंसिर ३० । झापाको कमल गाउँपालिकामा हिजो भएको सडक दुर्घटनामा घाइते एकजनाको मृत्यु भएको छ ।
दुर्घटनामा घाइते भएका प्रदेश १–०१–०२ ह ९०१ नम्बरको सिटी सफारी चालक दमक–९ का ५३ वर्षीय राम गुरागाईंको मृत्यु भएको हो ।
प्रहरीका अनुसार उनको उपचारको क्रममा बिएन्डसी अस्पताल बिर्तामोडमा हिजो राति ११ः२० बजे मृत्यु भएको हो ।
हिजो कमलको ज्योति चोकस्थित पूर्वपश्चिम राजमार्गमा प्रदेश १–०२–००१ ख ९७०६ नम्बरको यात्रुबाहक बसले दुईवटा कार र एउटा सिटी सफारीलाई ठक्कर दिएको थियो ।
दुर्घटनामा घाइते अन्य चारजनाको उपचार भइरहेको जनाइएको छ ।
