बिर्तामोड, पुस १० । झापाको भद्रपुरमा हिजो साँझ मोटरसाइकल र तीनपांग्रे अटोरिक्सा एकआपसमा ठोक्किँदा तीनजना घाइते भएका छन् ।
दुर्घटनामा मोटरसाइकल चालक कचनकवल-७ का २९ वर्षीय संसाद आलम र सोही मोटरसाइकलमा बसेका ३२ वर्षीय मोहम्मद सदाम घाइते भएका छन् ।
उनीहरुको ओमसाई पाथिभरा अस्पताल भद्रपुरमा उपचार भइरहेको छ । दुवैजनाको अवस्था गम्भीर रहेको अस्पतालले जनाएको छ ।
अटो चालक मेचीनगर-६ का ५९ वर्षीय ज्ञानबहादुर राई सामान्य घाइते भएका छन् । मोटरसाइकल र अटो जिल्ला प्रहरी कार्यालय झापाको नियन्त्रणमा रहेको छ ।
भद्रपुर-१० छाताचोकस्थित चन्द्रगढी–चारआली सडकखण्डमा भद्रपुरबाट चारआलीतर्फ आउँदै गरेको मे. १ ह २५६३ नम्बरको अटोलाई घोडामारातर्फ मोड्ने क्रममा सोही दिशातर्फ जाँदै गरेको प्र १–०१ –०१६ प ९९४८ नम्बरको मोटरसाइकलले ठक्कर दिएको थियो ।
