बिर्तामोड, माघ २ । झापाको बिर्तामोडमा रहेको एक ग्यारेजमा आगलागी हुँदा तीनवटा बसमा क्षति भएको छ ।
आज बिहान १०ः३० बजे बिर्तामोड-१ स्थित पश्चिम बसस्ट्यान्डनजिक रहेको ग्यारेजमा निदि क्याम्पसको मे. १ ख ३३४५ नम्बरको बसमा मर्मत गर्ने क्रममा अचानक विद्युत सर्ट भई आगलागी भएको हो । आगलागीबाट स्कुल बस पूर्ण रुपमा जलेर नष्ट भएको छ ।
त्यस्तै, सोही ग्यारेजमा बनाउन ल्याएको मे. १ ख २२१५ नम्बरको मातृ भाग्यरेखा बसको अगाडीको भाग जलेर क्षति भएको छ । प्र १–०१–००१ ख ४१२६ नम्बरको बसको पेन्टिङ जलेको छ ।
तीनवटा गाडी जल्दा अन्दाजी २१ लाख रुपैयाँबराबरको क्षति भएको प्रहरीले जनाएको छ । बसमा लागेको आगो बिर्तामोड नगरपालिकाको दमकल, नेपाल प्रहरी र स्थानीयको सहयोगमा नियन्त्रणमा लिइएको थियो ।
Comments are closed