बिर्तामोड, चैत २ । झापा गौरादहकी एक किशोरी विराटनगरबाट बेपत्ता भएपछि उनको खोजीका लागि परिवारले अपिल गरेको छ ।
झापाको गौरादह नगरपालिका वडा नम्बर ५ आरावालचोक निवासी मनिषा पौडेल फागुन १७ गतेदेखि बेपत्ता भएपछि परिवारले खोजीका लागि अपिल गरेको हो ।
आफ्नो पढाइको सिलसिलामा कक्षा ११ मा विराटनगरस्थित सिटी कलेजमा अध्ययनरत उनी बेपत्ता भएको दुई साता बित्न लाग्दासमेत सम्पर्कमा नआएपछि परिवारजनले खोजीका लागि अपिल गरेका हुन् ।
बिहान अध्ययन गर्ने र दिउँसोको समयमा विराटनगरकै ओकरा क्याफेमा काम गर्दै आएकी उनी सो दिन बेलुकासम्म कोठमा फर्किएकी थिइनन् ।
मनिषालाई देख्नेहरूले नजिकैको प्रहरी कार्यालय वा ९७०१३८५७४१ मा सम्पर्क गरी जिम्मा लगाइदिन अनुरोध गरिएको छ ।
बेपत्ता भएकी मनिषा सम्पर्कमा नआएपछि फागुन २५ गते प्रहरीमा समेत निवेदन दिएर खोजीका लागि अुनरोध गरिएको पारिवारिक स्रोतले जनाएको छ ।
