बिर्तामोड, असार १८ । भारतबाट मलद्वारमा ब्राउनसुगर लुकाएर ल्याउने तीन जना भद्रपुरमा पक्राउ परेका छन् । पक्राउ पर्नेमा बुद्धशान्ति र कमल गाउँपालिकाका युवा छन् ।
हिजो साँझ भद्रपुर-५ स्थित मेची बिटमा वडा प्रहरी कार्यालय भद्रपुरबाट खटिएको प्रहरी टोलीले भारतबाट नेपालतर्फ आउँदै गरेका पैदलयात्री बुद्धशान्ति-४ जुनेली बस्ने २९ वर्षीय दिपक सम्बाहाम्फेलाई शंका लागेर जाँच गर्दा उनले मलद्वारभित्र प्लाष्टिकको पोका पारी लुकाई छिपाई ल्याउँदै गरेको ब्राउनसुगर फेला परेको हो ।
३ ग्राम ३१० मिलिग्राम ब्राउनसुगरसहित सम्बाहाम्फेलाई नियन्त्रणमा लिई वडा प्रहरी कार्यालय भद्रपुरमा राखिएको छ । थप अनुसन्धान तथा कानुनी कार्बाहीको लागि जिल्ला प्रहरी कार्यालय पठाइने जनाइएको छ ।
यस्तै, हिजो दिउँसो १२ः१० बजे भद्रपुर-५ स्थित राजन चोकमा वडा प्रहरी कार्यालय भद्रपुरबाट खटिएको टोलीले भारतबाट नेपालतर्फ आउँदै गरेका पैदलयात्री कमल-५ पाडाजुँगी बस्ने २० वर्षीय पिजल धिमाल र कमल-२ बस्ने ३२ वर्षीय केशव राईलाई ब्राउन सुगरसहित पक्राउ गरेको छ ।
उनीहरुलाई शंका लागेर चेकजाँच गर्दा मलद्वारभित्र प्लाष्टिकको पोका पारी लुकाई छिपाई ल्याउँदै गरेको प्लाष्टिकसहित ३ ग्राम १० मिलिग्राम ब्राउनसुगर फेला परेको थियो ।
ती दुई जनालाई पनि नियन्त्रणमा लिई वडा प्रहरी कार्यालय भद्रपुरमा राखिएको जिल्ला प्रहरी कार्यालय झापाले छ ।
