बिर्तामेड, जेठ ४ । बुद्धशान्तिको बर्खा स्मृति प्रतिष्ठानले बुद्धशान्तिका युवा क्रिकेट खेलाडीलाई खेल सामग्री प्रदान गरेको छ ।
झापाको बुधबारेमा आयोजित एक कार्यक्रमका बीच प्रतिष्ठानले पालिकाबाट प्रतिनिधित्व गर्ने युवा क्रिकेटरलाई आवश्यक सामग्री प्रदान गरिएको अध्यक्ष मदन प्रसाईंले बताए ।
प्रसाईंका अनुसार खेलाडीहरुलाई अभाव रहेको ब्याट, लेदर बल, स्टम्प, ग्लोभ्सलगायत खेल सामग्री हस्तान्तरण गरिएको छ । खेल सामग्री पाएपछि खेलाडीहरुलाई हौशला मिलेको आफूले पाएको उनले बताए ।
साथै, आसन्न झापा जिल्लास्तरीय अन्डर-१९ छनोट प्रतियोगिताका लागि तयारी गरिरहेका बुद्धशान्तिका खेलाडीहरुलाई प्राप्त खेल सामग्रीले मद्दत पुग्ने विश्वास लिइएको छ ।
प्रतिष्ठानले यसअघि एक लाख नगद पुरस्कार राशिको अन्तर पालिका क्रिकेट प्रतियोगिता आयोजना गरेको थियो । गत फागुन पहिलो साता भएको प्रतियोगिता निजी क्षेत्रबाट भएको कोशी प्रदेशमै पहिलो प्रतियोगिता थियो ।
