![](https://jhapatoday.com/wp-content/uploads/2024/06/bdpkisan.png)
भद्रपुर, जेठ २६ । झापाको भद्रपुर नगरपालिकाले कृषिजन्य बाली उत्पादन गर्ने कृषकलाई विद्युतीय महसुलमा ५० प्रतिशत अनुदान दिन थालेको छ ।
![](https://jhapatoday.com/wp-content/uploads/2024/06/lasereye-1024x1024.jpg)
चालु आर्थिक वर्षको वार्षिक स्वीकृत कार्यक्रमअन्तर्गत कृषि सिँचाइ विद्युत महसुल मूल्य अनुदान कार्यक्रम कार्यान्वयन गरिएको हो ।
![](https://jhapatoday.com/wp-content/uploads/2024/05/image-12.png)
कार्यक्रमबाट नगरपालिकामा सूचीकृत कृषि सिँचाइ विद्युत् मिटर भएका करिब एक हजार सात सय किसानले लाभ लिइरहेका नगरप्रमुख गणेश पोखरेलले जानकारी दिए ।
![](https://jhapatoday.com/wp-content/uploads/2024/05/BK-Polyclinic-1024x1024.jpg)
“स्थानीय कृषकलाई आर्थिक राहत प्रदान गर्दै कृषि उत्पादकत्व अभिवृद्धि गर्नुका साथै सिँचाइको दिगो प्रयोग अभ्यासलाई प्रवर्धन गर्ने कार्यक्रमको उद्देश्य छ”, उनले भने ।
![](https://jhapatoday.com/wp-content/uploads/2024/06/image-2-1024x1024.png)
कृषि विकास अधिकृत सुमन बिमलीका अनुसार किसानले कृषिजन्य बाली उत्पादन गर्दा हुन आउने विद्युत महसुलको आधा रकम भुक्तानी गर्ने गरिएको छ । उनले योग्य किसानलाई लक्षित गरी अनुदान वितरण गरिरहेको बताए ।
राज्यले चिया खेतीलाई उद्योगअन्तर्गत राखेकामा किसानले गुनासो गर्ने गरेको कृषि विकास अधिकृत बिमलीले बताए । चिया खेतीलाई कृषितर्फ राखे किसानले थप राहत महसुस गर्ने उनको भनाइ छ ।