बिर्तामेड, असार १३ । झापा प्रहरीले बैंकिङ कसुर मुद्दामा भागिरहेका एकजना व्यक्तिलाई पक्राउ गरेर करागार पठाएको छ ।
झापा जिल्ला अदालतको बैशाख २३ गतेको फैसलाअनुसार बैंकिङ कसुर मुद्दामा भागेका झापा दमक-९ का ३१ वर्षीय इकेस तामाङलाई आज पक्राउ गरिएको थियो ।
आज नै तामाङलाई फैसला कार्यान्वयनका लागि झापा जिल्ला अदालत चन्द्रगढीमा उपस्थित गराइएको प्रहरीले जनाएको छ ।
झापाका प्रहरी प्रवक्ता कृष्णकुमार चन्दका अनुसार अदालतको आदेशले कैद भुक्तानको लागि उनलाई जिल्ला कारागार कार्यालय झापा पठाइएको हो ।
उनविरुद्ध एक महिना कैद सजाय र छ लाख रुपैयाँ जरिवाना तथा पीडित राहत कोषमा २४ हजार क्षतिपूर्ति शुल्क जम्मा गर्नुपर्ने फैसला सुनाइएको थियो ।
