![](https://jhapatoday.com/wp-content/uploads/2024/07/birtacity-1024x553.jpeg)
![](https://jhapatoday.com/wp-content/uploads/2024/07/image-17-1024x1024.png)
बिर्तामोड, असार २९ । झापाको बिर्तामोडमा रहेको विर्तासिटी अस्पतालमा एकजना पुरुषको हिप फेर्ने शल्यक्रिया (हिपको प्रतिस्थापन) गरिएको छ । यो शल्यक्रिया चिकित्सा क्षेत्रमा दुर्लभ मानिन्छ ।
![](https://jhapatoday.com/wp-content/uploads/2024/07/image-9.png)
हाडजोर्नी शल्यक्रियमध्ये सबैभन्दा जटिल मानिने हिप ट्रान्सप्लान्ट सफलतापूर्वक सम्पन्न गरिएको शल्यक्रियामा संलग्न डक्टर रुपेशजंग बेल्वासेले जानकारी दिए ।
![](https://jhapatoday.com/wp-content/uploads/2024/07/image-11.png)
झापा गौरादह-४ स्कुलचौनका ६१ वर्षीय यमनाथ संगौलाको हिपको जोर्नीको प्रतिस्थापन गरिएको हो । करिब ३ घण्टा लामो शल्यक्रियापश्चात संग्रौलाको खिइएको हिप फेरिएको हो ।
![](https://jhapatoday.com/wp-content/uploads/2024/07/image-10.png)
वंशाणुगत समस्याका कारण संग्रौलाको हड्डी खिइँदै गएको र अत्यधिक दुखाइका कारण हिँडडुलमा कठिन हुँदै आएको थियो । उनी पेनकिलर खाँदै आएका थिए ।
![](https://jhapatoday.com/wp-content/uploads/2024/07/image-13.png)
दक्ष चिकित्सकको टिम तथा आधुनिक प्रविधिबाट उनको शल्यक्रिया गरिएको अस्पतालले जनाएको छ । विर्तासिटीमै यस्तो शल्यक्रिया हुन थालेपछि बिरामीले अन्यत्र जानुपर्ने बाध्यता हटेको डक्टर बेल्वासेले बताए ।
![](https://jhapatoday.com/wp-content/uploads/2024/07/image-5.png)
संगौलाको शल्यक्रियामा डक्टर बेल्वासेसँगै डक्टर कुमुदकुमार लिम्बू, डक्टर प्रतिक चौधरी लगायत संलग्न रहेका थिए ।
हाड जोर्नी प्रत्यारोपण तथा दूरबिन प्रविधिबाट नशा रोगको उपचार गर्ने नेपाल मेडिकल काउन्सिबाट मान्यता प्राप्त नेपालकै पहिलो विशेषज्ञ डक्टर हुन् बेलवासे ।
![](https://jhapatoday.com/wp-content/uploads/2024/07/image-18-1024x597.png)
नेपाल मेडिकल कलेज काठमाडौँबाट सन् २०१३ मा एमबिबिएस गरेका डक्टर बेल्वासेले सन् २०१८ मा बनारस हिन्दु विश्व विद्यालयबाट एमएस गरेका थिए ।
![](https://jhapatoday.com/wp-content/uploads/2024/07/image-8.png)
उनले हाड जोर्नी प्रत्यारोपण तथा दूरबिन प्रविधिबाट नशा रोगको फेलोसिप अस्ट्रियाबाट गरेका हुन् । भारतको अपोलो अस्पताल नयाँ दिल्लीमा समेत काम गरेको उनमा अनुभव छ ।
![](https://jhapatoday.com/wp-content/uploads/2024/07/image-7.png)
बिर्तामोडस्थित पूर्ण टुङ्ग बिर्तासिटी अस्पतालमा विगत साढे चार वर्षदेखि कार्यरत डक्टर बेल्वासेले एओ ट्रमा फेलोसिप (स्विजरल्यान्ड) बाट छात्रवृत्ति प्राप्त गरेका थिए ।
![](https://jhapatoday.com/wp-content/uploads/2024/06/image-32.png)
युरोपबाट पाएको एओ ट्रमा फेलोसिप लिएका डक्टर बेल्वासेले जटिल रोगको समेत सरल तरिकाबाट उपचार गर्दै आएका छन् ।
![](https://jhapatoday.com/wp-content/uploads/2024/06/image-36-768x1024.png)
बिर्तासिटी अस्पतालमा कार्यरत डक्टर बेल्वासेले यसअघि पनि छिनेका हात जोडेका थिए । बिरामीको छिनेको हात शल्यक्रियाका माध्यमबाट जोडेर सफल उपचार गरेसँगै डक्टर बेल्वासेको चर्चा पूर्वमा चुलिएको थियो ।
![](https://jhapatoday.com/wp-content/uploads/2024/07/image-14-1024x1024.png)
डक्टर बेल्वासेले बिर्तासिटी अस्पतालमा हालसम्म पाँच हजारभन्दा धेरै बिरामीको सफल उपचार गरिसकेका छन् ।