बिर्तामोड, कात्तिक ८ । बिर्तामोड २ को सोमबारेमा फुटबल प्रतियोगितामा राजगढ एफसी र घैलाडुब्बा युवा क्लब सेमिफाइल प्रवेश गरेका छन् ।
आज भएका दुईवटा सेमिफाइनल खेलमा राजगढले जलथल एफसी र घैलाडुब्बाले दुधे युथ क्लबलाई हराएको हो ।
राजगढले जलथलाई १–० गोल अन्तरले हराउँदै फाइजल प्रवेश गरेको हो । खेलको ३८ औँ मिनेटमा राजगढका समुयल तामाङले गरेको गोल नै निर्णायक बन्यो । खेलको प्लेयर अफ द म्याच राजगढका हेमन लिम्बू भए ।
त्यस्तै, आज नै भएको अन्तिम सेमिफाइनल खेलमा घैलाडुब्बाले दुधेलाई टाइब्रेकरमा हरायो । निर्धारित समयमा खेल गोलरहित बराबरीमा टुंगिएपछि भएको टाइब्रेकरमा घैलाडुब्बाले ५–३ गोलले हरायो ।
खेलको प्लेयर अफ द म्याच घैलाडुब्बाका गोल किप्पर समिर विश्वकर्मा भए ।
बडादसैँको उपलक्ष्यमा भएको फुटबल प्रतियोगितामा झापाका १२ वटा टिमको सहभागिता रहेको छ ।
खेल क्षेत्रको प्रवर्धन र सामाजिक क्षेत्रअन्तर्गत सोमबारे क्षेत्रमा पर्ने करिब १८०० मिटर सडकमा रहेको बिजुली पोलहरुमा सडकबत्ती जडान गर्ने उद्देश्यका साथ प्रतियोगिता आयोजना गर्न लागिएको अध्यक्षले उमेश राईले बताए ।
प्रतियोगिताका विजेताले ५१ हजार र उपविजेताले २५ हजार ५०० रुपैयाँसहित प्रमाणपत्र र ट्रफी मेडल प्राप्त गर्ने छन् । प्रतियोगिता सम्पन्न गर्न ६ लाख रुपैयाँ खर्च हुने अनुमान गरिएको सचिव खरेलले बताए ।
