बिर्तामोड, फागुन २३ । बहुमूल्य बुद्धचित्तको दानासहित काभ्रेका एक व्यक्ति चन्द्रगढी विमानस्थलमा पक्राउ परेका छन् ।
हिजो दिउँसो ३ बजे चन्द्रगढी विमानस्थलमा बुद्ध एयरमा काठमाडौँ जानको लागि जाँच गर्ने क्रममा काभ्रे तिमल गाउँपालिका–६ बस्ने ५५ वर्षीय सानुबाबु तामाङ पक्राउ परेका हुन् ।
उनलाई करिब ६ केजी (११० वटा उनेको माला र ३ वटा हातमा लगाउने माला) बुद्धचित्तको दाना र करिब १५.८२० केजी बुद्धचित्तको खुला दानासहित पक्राउ गरिएको हो ।
उनको साथबाट नेपाली रुपैयाँ, भारतीय रुपैयाँ, अमेरिकी डलर, भुटानको रकम र चीनको रकम बरामद भएको छ । उनलाई पक्राउ गरी डिभिजन वन कार्यालयको जिम्मा लगाइएको जिल्ला प्रहरी कार्यालय झापाले जनाएको छ ।
