बिर्तामोड, चैत १० । झापाको बाह्रदशीमा भित्री सडकखण्डमा मोटरसाइकल अनियन्त्रित हुँदा घाइते भएका चालकको हिजो राति मृत्यु भएको प्रहरीले जनाएको छ ।
चैत २ गते राति पौने १ बजे बाह्रदशी-६ नारायणचोक नजिकै उत्तरदक्षिण भित्री सडक खण्डमा भएको दुर्घटनामा स्थानीय ३५ वर्षीय विकास भट्टराई घाइते भएका थिए ।
जिल्ला प्रहरी कार्यालय झापाका अनुसार चारपानेबाट बिहीबारेतर्फ जाँदै गरेको मे. ३ प ६२२६ नम्बरको मोटरसाइकल आफैँ अनियन्त्रित हुँदा गम्भीर घाइते भएका भट्टराईको बिएन्डसी अस्पतालमा उपचारको क्रममा मृत्यु भएको हो ।
