बिर्तामोड, चैत १० । प्रहरीले झापाको गौरीगञ्जबाट लागुऔषध ओसारपोसारमा संलग्न एकजना भारतीय युवालाई पक्राउ गरेको छ ।
पक्राउ पर्नेमा भारत किसानगञ्ज-२ पलसाह बस्ने अब्दुल बरिकको छोरा २३ वर्षीय सलम रहेको जिल्ला प्रहरी कार्यालय झापाले जनाएको छ ।
उनलाई गौरीगञ्ज गाउँपालिका वडा नम्बर-१ बाट गोप्य सूचनाको आधारमा इलाका प्रहरी कार्यालय झिलझिलेबाट खटिएको प्रहरी टोलीले पक्राउ गरेको हो ।
भारतबाट नेपालतर्फ आउँदै सलमका साथबाट प्रतिबन्धित लागुऔषध ब्राउन सुगर ४ ग्राम ५५ मिलिग्राम भेट्टिएको प्रहरीले जनाएको छ ।
