बिर्तामोड, असोज १८ । कार्यसम्पादन मूल्यांकनमा जिल्ला प्रशासन कार्यालय झापा ४६ औँ नम्बरमा पर्दै ‘उत्कृष्ट’ ठहरिएको छ । ७७ वटा जिल्ला प्रशासनमध्ये झापा ८७ दशमलव ३१ अंक प्राप्त गर्दै औषत स्थानमा रहन सफल भएको हो ।
गृह मन्त्रालयले गत आर्थिक वर्ष २०७९/०८० मा गरेको मूल्यांकन सम्झौताबमोजिम काम गरेर ९० भन्दा माथि अंक ल्याउँदै ३३ वटा जिल्ला प्रशासन कार्यालयहरु ‘अति उत्कृष्ट’ को सूचीमा परेका छन् ।
गत वर्ष झापामा प्रमुख जिल्ला अधिकारी छविलाल रिजाल थिए । उनको कार्यकालमा झापामा खासै काम हुन नसकेको गृह मन्त्रालयले मूल्यांकन गरेर अंक दिएको हो ।
३० वटा प्रशासन कार्यालयहरु ८० देखि ९० अंकसम्म ल्याएर ‘उत्कृष्ट’ ठहरिएका हुन् । झापा पनि यसै समूहमा परेको हो । बाँकी १४ जिल्ला प्रशासन कार्यालयहरु ‘उत्तम’ कार्यसम्पादनको सूचीमा छन् ।
कार्यालयहरुमध्ये जिल्ला प्रशासन कार्यालय गुल्मी ९६.४४ अंक ल्याएर पहिलो स्थानमा छ भने जिल्ला प्रशासन कार्यालय सिरहा ६१.५६ अंकसहित अन्तिम स्थानमा छ ।
गृह मन्त्रालय कार्यसम्पादन मूल्यांकनमा गुल्मी पहिलो स्थानमा छ भने अन्तिम स्थानमा सिराहा जिल्ला प्रशासन रहेको छ ।
