बिर्तामोड, असार ४ । ती दिनयताको अविरल वर्षाका कारण बिरिङ खोलामा आएको बाढी गाउँ पस्दा झापा गाउँपालिकाका चार परिवार विस्थापित भएका छन् ।
बिरिङ खोलाको पानीका कारण डुबानमा परेका झापा ६ युवाटोलका चार परिवारका १८ जना पूर्ण रुपमा विस्थापित भएका छन् ।
सो स्थानका दिपक आचार्यको परिवारका सातजना, सीता दुलालको परिवारका चारजना, प्रदिप सिंहको परिवारका तीनजना र नविन बराइलीको परिवारका चारजना विस्थापित बनेका हुन् ।
विस्थापित भएका उनीहरुलाई स्थानीय केदार श्रेष्ठको खाली घरमा आश्रय दिइएको जिल्ला प्रहरी कार्यालय झापाले जनाएको छ ।
