बिर्तामोड, असार ११ । नारी सञ्चार गृह झापाकी संस्थापक अध्यक्ष सावित्रा दाहालले आफ्नो जन्मदिनको अवसरमा महिला पत्रकारलाई प्रोत्साहनस्वरुप लेखनवृत्ति प्रदान गरेकी छन् ।
दाहालले महिला पत्रकारको क्षमता, दक्षता अभिवृद्धि तथा लेखनपवृत्तिका लागि नगद पुरस्कार प्रदान गरेकी हुन् ।
जन्मदिनको अवसरमा पहिलोपटक उनले भद्रपुरकी पत्रकार, वरूण साप्ताहिककी प्रकाशक तथा गृहकी कार्यसमिति सदस्य इशा प्रधानलाई नगद प्रदान गरिन् ।
प्रधानलाई नगद पाँच हजार प्रदान गरिएको हो । इशा नारी सञ्चार गृह झापाकी संस्थापक सदस्य स्वर्गीय माया पकवालकी छोरी हुन् ।
पकवालले सम्पादन तथा प्रकाशन गर्दै आएको वरुण साप्ताहिकलाई आमाको निधनपछि इशाले निरन्तरता दिँदै आएकी छन् ।
