बिर्तामोड, असार ३१ । झापाको कनकाईमा बस र मोटरसाइकल एकआपसमा ठक्कर खाई दुर्घटना हुँदा एकजनाको मृत्यु भएको छ ।
कनकाई नगरपालिका वडा नम्बर २ सुरुङ्गा पूर्वपश्चिम राजमार्गमा आज (सोमबार ) साँझ ७ बजे पश्चिमबाट पूर्व आउँदै गरेको प्रदेश १–०१ – ००१ ख २४२३ नम्बरको बस र पूर्व बाट पश्चिमतर्फ जाँदै गरेको को १९ प ६३८२ नम्बरको बुलेट मोटरसाइकल दुर्घटना हुँदा कमल गाँउपालिका– ५ का ४१ वर्षीय लक्ष्मीप्रसाद सुब्बाको मृत्यु भएको छ ।
दुर्घटनामा घाइते भएका मोटरसाइकल चालक सुब्बाको बिर्तामोडको बिएण्डसी अस्पतालमा उपचारको क्रममा सोमबार बेलुका ८ बजे मृत्यु भएको जिल्ला प्रहरी कार्यालय झापाले जनाएको छ ।
