बिर्तामोड,साउन १३ । झापामा मोटरसाइकल दुर्घटना हुँदा बुबाको मृत्यु भएको छ भने छोरा घाइते भएका छन् ।
झापा गाउँपालिका–३ फूलगाछी चोकस्थित कुमरखोद–सुरुङ्गा सडक खण्डमा आइतबार दिउँसो १२ः४५ बजेको समयमा सुरुङ्गाबाट झापातर्फ जाँदै गरेको प्रदेश १–०१–०१६–१६१२ नम्बरको मोटरसाइकल आफै अनियन्त्रित भई दुर्घटना भएको थियो ।
दुर्घटनामा मोटरसाइकल चालक सोही ठाउँका ५४ वर्षीय निजामुदिन मिया र मोटरसाइकलमा पछाडि सवार उनका छोरा १९ वर्षीय सालेमान मिया घाइते भएका थिए ।
घाइतेहरूलाई तत्काल उपचारको लागि बिर्तासिटी अस्पताल बिर्तामोड लगिएको थियो । अस्पताल पुर्याएलगतै डाक्टरले जाँच गर्दा चालक निजामुदिनको मृत्यु भइसकेको थियो ।
बायाँ हातमा चोट लागेका घाइते सालेमानको सोही अस्पतालमा उपचार भइरहेको जिल्ला प्रहरी कार्यालय झापाले जनाएको छ ।
