दमक, साउन १६ । मोरङको उर्लाबारीमा भएको मोटरसाइकल दुर्घटनामा दमकका एक युवकको मृत्यु भएको छ भने अर्का घाइते भएका छन् ।
आइतबार साँझ मोरङको उर्लाबारी नगरपालिका–९ मा मे. ९ प ५५७५ नम्बरको मोटरसाइकल आफैँ अनियन्त्रित भई दुर्घटना हुँदा मोटरसाइकल चालक दमक नगरपालिका–१० का २२ वर्षीय रोशन भट्टराई र पछाडि सवार २२ वर्षीय धनराज रिजाल घाइते भएका थिए ।
दुवैलाई उपचारको लागि अरनिको अस्पताल उर्लाबारी लगिएकोमा अस्पताल पुर्याउनासाथ धनराज रिजालको मृत्यु भएको हो । अर्का घाइते चालक रोशन भट्टराईको सोही अस्पतालमा उपचार भइरहेको प्रहरीले जनाएको छ ।
