बिर्तामोड, साउन १८ । झापाका विभिन्न स्थानमा हिजो दिउँसोदेखिको हावाहुरीले क्षति गरेको प्रहरीले जनाएको छ ।
हिजो दिउँसोदेखि चलिरहेको हावाहुरीले रुख लडाउनुको साथै घरको छानो उडाएर सामान्य क्षति गरेको जिल्ला प्रहरी कार्यालय झापाले जनाएको छ ।
बिर्तामोड ९ का यज्ञ श्रेष्ठले हावाहुरीले रुख ढल्दा आफ्नो तरकारीको टनेलमा क्षति पुगेको जानकारी दिए ।
हावाहुरीले पुर्याएको क्षतिको विवरण आइनपुगेको जिल्ला प्रहरी कार्यालयका प्रवक्ता डिएसपी कृष्णकुमार चन्दले बताए ।
यसैबीच, जल तथा मौसम विज्ञान विभागले कोशी प्रदेशको तराईका केही स्थानमा हावाहुरीको सम्भावना रहेको जनाउँदै सतर्क रहन अनुरोध गरेको छ ।
