बिर्तामोड, असोज ६ । ‘बेहुली फ्रम मेघौली’ स्वस्तिमा खड्का र निश्चल बस्नेतको मुख्य भूमिका रहेको फिल्म हो । विवाहको विषयवस्तुमाथि निर्माण भएको फिल्मको ट्रेलर सार्वजनिक गरिएको छ ।
सार्वजनिक ट्रेलरमा एक छोरीलाई योग्य वरका लागि गरिने संघर्षको कथा देखाउन खोजिएको छ । ट्रेलर हेर्दा फिल्ममा विवाहको सामाजिक परम्परागत मान्यतालाई फिल्मले व्यंग्य गरेको अनुमान गर्न सकिन्छ ।
फिल्ममा निश्चल र स्वस्तिमाको अलवा विजय बराल, वसुन्धरा भुसाल, रक्षा थापा, लोकेन्द्र लेखक, आमिर गौतम, सिरु विष्ट, सिम्रन खड्का, शिशिर शिवाकोटी लगायतको अभिनय छ ।
साजन काफ्ले र आकाश बरालको संयुक्त रुपमा निर्देशन रहेको फिल्मको पटकथा यी दुवैले मिलेर लेखेका हुन् । फिल्मका निर्माता स्वस्तिमा खड्का र निश्चल बस्नेत हुन् ।
ब्ल्याक हर्स पिक्चर्स र मेघौली फिल्मसको ब्यानरमा फिल्म निर्माण भएको हो । फिल्म असोज १७ गते घटस्थापनाको अवसर पारेर प्रदर्शनमा आउँदैछ ।
