२०७८ कार्तिक ७ आइतबार
Jhapa Today
Adv top
Adv below_nav

‘टोयोटा एक्सचेञ्ज कार्निभल’ बिर्तामोडमा सुरु


बिर्तामोड, भदौ २८ । ‘टोयोटा एक्सचेञ्ज कार्निभल’ झापाको बिर्तामोडमा आजबाट सुरु भएको छ ।

पूर्वी नेपालमा टोयोटा गाडीको आधिकारिक विक्रेता कान्तिपुर अटो लिंकमा आजबाट सुरु भएको एक्सचेञ्ज कार्निभल छ दिनसम्म चल्ने सञ्चालक राजेश उप्रेतीले जानकारी दिए ।

नेपालका लागि टोयोटा गाडीको आधिकारिक वितरक युनाइटेड ट्रेडर्स सिन्डिकेट (युटिएस) का असिस्टेन्ट जनरल म्यानेजर जयनारायण यादवका अनुसार कम्पनीले आफ्नो नेपालभर रहेका टोयोटा सोरुमहरुमा भदौ २८ देखि असोज ३ गतेसम्म उक्त एक्स्चेञ्ज कार्यक्रम सञ्चालन गर्नेछ ।

एक कार्यक्रमका बीच बिर्तामोड उद्योग वाणिज्य संघका वरिष्ठ उपाध्यक्ष राजु न्यौपाने, युटिएसका असिस्टेन्ट जनरल म्यानेजर यादव, नेपाल चेम्बर्स अफ कमर्स झापाका अध्यक्ष ओमकृष्ण बिमली, सञ्चालक उप्रेती, महिला उद्यमी पार्वता खरेल बिमलीलगायतले एक्सचेञ्ज कार्निभलको उद्घाटन गरे ।

नयाँ टोयोटा रस, हाइलक्स, कोरोला क्रस, फर्चुनर, र्याभ फोर हाइब्रिड, प्राडोजस्ता मोडलसँग पुरानो गाडी ल्याएर ग्राहकले एक्सचेन्ज गर्न सक्ने उप्रेतीले बताए । उक्त एक्सचेन्जमा ग्राहकले आकर्षक सुविधा प्राप्त गर्न सक्ने कम्पनीले जनाएको छ ।

यस एक्सचेन्ज कार्निभलमा युटिएसले प्रत्येक गाडीको खरिदमा आफ्ना ग्राहकहरुलाई नगद छुट, पुरानो गाडीको उचित मूल्यांकन, आकर्षक गिफ्ट प्याकेज तथा लक्की ड्र मार्फत होटल प्याकेज लगायतका अफरहरु प्रदान गर्नेछ ।

Leave a Reply

Your email address will not be published. Required fields are marked *

*

*

*

Adv footer