भद्रपुर, साउन १५ । सहिद मनोज झपेन्द्र सुरेन्द्र स्मृति दिवसको अवसरमा नेपाल निजामती कर्मचारी संगठन झापा र राष्ट्रसेवक बचत तथा ऋण सहकारी संस्था आयोजनामा रक्तदान कार्यक्रम सम्पन्न भएको छ ।
आज भद्रपुरको लेखनाथ चोकस्थित संगठनको कार्यालय परिसरमा भएको रक्तदान कार्यक्रममा ९३ पिन्ट रगत संकलन भएको संगठनका अध्यक्ष केदार पोखरेलले जानकारी दिए । प्राविधिक सहयोग नेपाल रेडक्रस सोसाइटी झापा शाखाले गरेको थियो ।
संगठनका झापा अध्यक्ष पोखरेलको अध्यक्षतामा भएको कार्यक्रममा प्रमुख प्रदेशसभा सदस्य छविलाल चुडाल, प्रमुख जिल्ला अधिकारी शिवराम पोखरेल, निजामती कर्मचारी संगठन कोसी प्रदेश इन्चार्ज लक्ष्मीप्रसाद गुरागाईं, पूर्वकेन्द्रीय उपाध्यक्ष देवराज कार्की, भद्रपुर नगर प्रमुख गणेश पोखरेलले शुभकामना मन्तव्य राखेका थिए ।
पूर्वकेन्दीय उपाध्यक्ष देवराज कार्की, भद्रपुर नगर प्रमुख गणेश पोखरेलले शुभकामना मन्तव्य राखेका थिए ।
राष्ट्रसेवक बचत तथा ऋण सहकारी संस्थाका अध्यक्ष वशिष्ठ अधिकारीले स्वागत गरेको कार्यक्रमको सञ्चालन संगठनका सचिव कृष्ण सुवेदीले गरेका थिए ।
