बिर्तामोड, पुस १२ । बिर्तामोड महोत्सवका दर्शकलाई मनोरञ्जन दिन युवापुस्ताकी लोकप्रिय तथा चर्चित गायिका रचना रिमाल आउने छिन् ।
पछिल्लो समय युवापुस्तामाझ अत्यधिक रुचाइएकी गायिका रचना रिमाल आज साँझ आउने भएकी महोत्सवका व्यवस्थापक डिल्ली दाहालले जानकारी दिए ।
रिमाल नेपालकै चर्चित रियालिटि सो नेपाल आइडलबाट दर्शकमाझ छाएकी रिमालले अत्यधिक रुचाइएको फोटो फिरीममादेखि उनको प्रीति, एक चिम्टी सिँदुर, मिनरल वाटरजस्ता दर्जनौँ लोकप्रिय गीतहरु प्रस्तुत गर्ने छिन् ।
बिर्तामोडस्थित चारपानेरोड रामचोकमा बिर्तामोड अपांगता स्वालम्बन संस्थाको आयोजनामा महोत्सव सञ्चालन भइरहेको छ ।
महोत्सवका व्यवस्थापक डिल्ली दाहालका अनुसार कृषि, पर्यटन, सांस्कृतिक तथा व्यापार प्रवर्धन गर्ने उद्देश्यले महोत्सवको आयोजना गरिएको हो । महोत्सवमा फुड फेस्टिवल समेत चलिरहेको छ ।
पर्यटन प्रर्द्धनको माध्यमबाट बिर्तामोडको आर्थिक तथा सामाजिक विकासमा योगदान गर्ने महोत्सवले लक्ष्य लिएको दाहालले बताए । महोत्सवअन्तर्गत प्रत्येक दिन साँझमा राष्ट्रिय कलाकारहरुको सांगीतिक प्रस्तुति रहनेछ ।
