बिर्तामोड, फागुन १२ । नइ प्रकाशनले झापाली प्रतिभाशाली स्रष्टा रिमा पाण्डेलाई ‘नइ पुरस्कार’ समर्पण गर्ने निर्णय गरेको छ ।
नइ प्रकाशनले राजधानीबाहिर बसेर नेपाली भाषासाहित्यको श्रीवृद्धिका लागि योगदान पुर्याएबापत झापा भद्रपुरकी रिमा पाण्डे ‘मिनी’ लाई ‘नइ बुलु शर्मा पुरस्कार’ समर्पण गरिने भएको हो ।
नइ प्रकाशनका सदस्य सचिव नरेन्द्रराज प्रसाईंका अनुसार पुरस्कारको राशि ५० हजार रुपैयाँ रहेको छ ।
पाण्डे झापाका अग्रज पत्रकार नकुल काजीकी पत्नी हुन् । उनी लामो समय स्वास्थ्य सेवा गरेर निवृत्त भइसकेकी छन् ।
नइ प्रकाशनका कुलपति इन्दिरा प्रसाईंको अध्यक्षतामा बसेको नइ प्रकाशनको बैठकले सो निर्णय गरेको हो ।