बिर्तामोड, असोज २१ । झापाको बिर्तामोडमा रहेको मेहरमान बहुउद्देश्यीय कभर्ड हलमा बडादशैँ विशेष ब्याडमिन्टन प्रतियोगिता सुरु भएको छ ।
हलका अध्यक्ष दिलेन्द्रकुमार कार्कीका अनुसार बडादशैँ उत्सवका रुपमा हलका सदस्य ब्याडमिन्टन खेलाडीहरुबीच आन्तरिक प्रतियोगिता सुरु भएको हो ।
हलका ८५ जना सदस्यहरुमध्ये ५४ जनाले प्रतियोगिताका सहभागी भएको हलका सचिव तथा प्रदेश खेलकुद विकास बोर्ड कोशीका सदस्य मदन खड्काले जानकारी दिए ।
प्रतियोगिताका विजेतालाई मेडल तथा ट्रफी प्रदान गरिनेछ । प्रतियोगिताको फाइनल खेल भोलि हुनेछ ।
हलका सबै सदस्यलाई सुनमाई झर्ना पानीले टिसर्ट प्रदान गरेको छ भने ट्रफी र मेडल २ नम्बर नापी कार्यालयका प्रमुख सरोज विकले प्रदान गरका छन् ।
मेहरमान बहुउद्देश्यीय कभर्ड हलमा तीवटा कार्ट रहेका छन् । हलमा खेलाडी उत्पादन गर्ने उद्देश्यले ब्याडमिन्टन प्रशिक्षण पनि हुँदै आएको छ ।
